Фотографија од настанот · ЈОУ Дом на култура Македонија – Гевгелија
Презентацијата се одржа синоќа во малата сала на Домот на културата „Бранд Петрушев“ во Богданци.
Проектот е дел од етнокореолошката дејност при ЈОУ Дом на култура „Македонија“ – Гевгелија.
Во фокусот беа ората, песните, инструментите, носиите и поширокото значење на традицијата.
Проектот „Традиција – транзиција“, посветен на опстојувањето на културниот идентитет во услови на промени, синоќа беше претставен во малата сала на Домот на културата „Бранд Петрушев“ во Богданци. Тој е дел од етнокореолошката дејност при ЈОУ Дом на култура „Македонија“ – Гевгелија.
Презентацијата ги опфати традиционалните ора, песни, инструменти и носии. Традицијата беше претставена пошироко — како спој од обичаи, верувања, културни навики и начин на живеење, а не само преку одделните форми на народното творештво.
Целта на проектот е преку звукот, ритамот, мелодијата и визуелниот идентитет на носијата да се проследи патот на традицијата од минатото до денес, вклучувајќи го нејзиниот континуитет и промените низ времето.
Од гевгелискиот Дом на култура порачуваат дека традицијата не е само наследство од предците, туку и она што сме подготвени да го зачуваме, разбереме и пренесеме на следните генерации.
Коментари (0)
Коментарите за оваа објава се затворени.